МАДЭРНІЗАЦЫЯ САМАЛЁТА СУ-27 (СУ-30К)

Мэта мадэрнізацыі: стварэнне шматфункцыянальнага самалёта.

АСНОЎНЫЯ НАПРАМКІ МАДЭРНІЗАЦЫІ:

Пашырэнне наменклатуры ўжываных авіяцыйных сродкаў паражэння, што забяспечвае выкарыстанне:

• кіраваных ракет «паветра–паветра» РВВ-АЕ;
• кіраваных ракет «паветра–паверхня» Х-29Т, Х-31А, Х-31П;
• авіябомбаў КАБ-1500КР(Л), КАБ-500КР(Л).

Рэалізацыя новых рэжымаў працы радыёлакацыйнага прыцэльнага комплексу, за кошт чаго дасягаецца выяўленне цэляў на аддаленні:

• тыпу «пускавая ўстаноўка» з эфектыўнай плошчай рассеяння (ЭПР) 30 м² — 40 км;
• тыпу «ангар», «чыгуначны мост» з ЭПР 1000 м² — 150 км;
• надводных з ЭПР 30 м² пры хваляванні мора да 5 балаў — 50 км;
• надводных у рэжыме агляду рэальным променем – 350 км.

Павышэнне дакладнасных характарыстык навігацыйнай сістэмы і пашырэнне функцыянальных магчымасцяў, што забяспечвае:

• фарміраванне і захоўванне звестак пра сем маршрутаў (у штатным варыянце – два маршруты);
• аўтаматычную і ручную змену навігацыйных пунктаў у палёце;
• вызначэнне бягучых каардынат месца самалёта з дакладнасцю ±15 метраў (у штатным варыянце — 700 метраў);
• вызначэнне дарожнай хуткасці з хібнасцю 0,2 м/с.

Выкарыстанне комплексу кантролю рухавікоў і сістэм самалёта, што робіць магчымым:

• прагноз тэхнічнага стану сілавых установак;
• рэгістрацыю і збіранне палётнай інфармацыі;
• кантроль і дыягностыку параметраў сілавых установак у рэжыме рэальнага часу пры апрабоўванні рухавікоў на зямлі;
• апрацоўку і экспрэс-аналіз рэгістраванай інфармацыі.

Усталяванне сістэмы збору-перадачы інфармацыі, за кошт чаго здзяйсняецца:

• перадача на наземныя пункты кіравання каардынат выяўленых наземных цэляў;
• кантроль становішча самалёта ў паветранай прасторы;
• збіранне інфармацыі пра параметры палёту ў наземнага аператара;
• аператыўны кантроль працаздольнасці авіяцыйнай тэхнікі;
• аказанне дапамогі лётчыку ў асаблівых выпадках;
• навучанне лётнага складу;
• навядзенне на наземныя цэлі;
• мадэрнізацыя інфармацыйнага поля кабіны;
• ужыванне сістэмы аўдыя- і відэарэгістрацыі;
• усталяванне апаратуры радыётэхнічнай абароны самалёта.