РАДЫЁЛАКАЦЫЙНАЯ СТАНЦЫЯ РЛС-50 - Тэхніка супрацьпаветранай абароны

Аўтаномная трохкаардынатная цвердацельная РЛС кругавога агляду паветранай прасторы S-дыяпазону з актыўнай фазаванай антэннай рашоткай (АФАР), якая не абслугоўваецца, дыстанцыйна кіруецца і буксіруецца.

Радыёлакацыйная станцыя РЛС-50 — Аўтаномная трохкаардынатная цвердацельная РЛС кругавога агляду паветранай прасторы S-дыяпазону з актыўнай фазаванай антэннай рашоткай (АФАР), якая не абслугоўваецца, дыстанцыйна кіруецца і буксіруецца, прызначана для выкарыстання ў складзе радыётэхнічных і зенітных ракетных падраздзяленняў. Ажыццяўляе выдачу радыёлакацыйнай інфармацыі на камандныя пункты, радыёлакацыйныя станцыі навядзення ЗКР і іншым спажыўцам. У залежнасці ад задачы спажыўцу можа выдавацца першасная ці траекторная інфармацыя пра паветраныя цэлі.

Эксплуатацыя РЛС ажыццяўляецца без удзелу чалавека – цалкам у аўтаматычным рэжыме. Станцыя можа размяшчацца на любой пазіцыі, якая дазваляе рэалізаваць неабходную зону выяўлення ці дапоўніць правалы ў існай зоне выяўлення з улікам вышыні палёту паветранай цэлі. Наяўнасць на пазіцыі вонкавага электрасілкавання і асабовага складу не з'яўляецца абавязковым для эксплуатацыі РЛС.

Функцыянальныя магчымасці:

выяўленне паветраных аб'ектаў;
вымярэнне каардынат і параметраў (азімут, вугал месца, далёкасць, хуткасць) паветраных аб'ектаў;
траекторнае суправаджэнне выяўленых паветраных аб'ектаў;
прызначэнне пеленгаў на пастаноўшчыкі актыўных перашкод;
выдача першаснай радыёлакацыйнай інфармацыі і траекторнай інфармацыі на сродкі адлюстравання і спалучаныя сістэмы (па правадным, оптавалаконным, радыёканале перадачы інфармацыі);
увядзенне аптычнага назірання на пазіцыі дыслакацыі РЛС;
дакументаванне параметраў працы апаратуры РЛС і вынікаў баявой працы.

Выкарыстанне РЛС-50 найбольш эфектыўна разам з уніфікаванай камандна-штабной машынай «Рэдут» (выраб КШМ «Рэдут-223»), якая прызначана для атрымання радыёлакацыйнай інфармацыі і забеспячэння аўтаматызаванага кіравання баявымі дзеяннямі, сіламі і сродкамі СПА тактычнага ўзроўню.