СУПРАЦЬТАНКАВЫ РАКЕТНЫ КОМПЛЕКС «ШЭРШАНЬ» - Тэхніка сухапутных войскаў

Кіраваны супрацьтанкавы ракетны комплекс «Шэршань» — універсальны высокамабільны абаронча-штурмавы агнявы сродак падраздзяленняў сухапутных войскаў. Ён прызначаны для ўзмацнення супрацьтанкавай абароны вайсковых фарміраванняў, а таксама для падаўлення агнявых пунктаў праціўніка ў наступе.

Асноўныя тэхнічныя характарыстыкі СТРК «Шэршань»:

Параметр	Значэнне
Выкарыстоўваюцца ракеты кал. 130 мм	РК-2С РК-2ОФ
Далёкасць выяўлення (распазнавання) тыпавой цэлі: удзень, км уначы, з выкарыстаннем цеплавізійнай камеры, км	да 10 да 8
Максімальная далёкасць паражэння цэлі: па рухомых цэлях, м па нерухомых цэлях, м	5000 5500
Баявая частка: РК-2С РК-2ОФ	тандэмная, кумулятыўная асколачна-фугасная
Бронепрабівальнасць за дынамічнай абаронай (вугал сустрэчы 60 град.), мм	не менш за 800
Дыяпазон працоўных тэмператур	−30...+65

Варыянты выканання:

«Шэршань» — базавая версія СТРК;
«Шэршань-D» — мадыфікацыя з двума агнявымі каналамі;
«Шэршань-DМ» — мадыфікацыя з двума агнявымі каналамі і аўтаматычным пад'ёмнікам для ўсталявання ў транспартны сродак;
«Шэршань-Q» — чатыры агнявыя каналы для ўсталявання на бронеаўтамабіль.

Перавагі:

высокая імавернасць паражэння цэлі і перашкодаабароненасць;
навядзенне ракет з закрытых пазіцый ці сховішчаў з выкарыстаннем аддаленага пульта кіравання, што значна зніжае рызыку паражэння аператара, а таксама здымае з яго псіхафізіялагічную нагрузку;
магчымасць вядзення стральбы ў рэжыме «з перавышэннем» — асноўны рэжым пры далёкасці да цэлі больш за 1500 м. У дадзеным рэжыме кіруючае выпраменьванне ад прыбора навядзення накіравана вышэй мэты, што выключае магчымасць выяўлення атакі і супрацьдзеяння да апошняга моманту — выхаду ракеты на лінію візавання, які адбываецца менш чым за секунду да паражэння цэлі;
наяўнасць рэжыму аўтасуправаджэння, які рэалізуе прынцып «стрэліў–забыў»;
простая інтэграцыя з вонкавым цеплавізійным модулем па выбары заказчыка для працы ў цёмны час сутак ці ва ўмовах кепскай бачнасці;
магчымасць паражэння цэляў з высокай радыёпаглынальнасцю ці нізкай тэрмакантраснасцю, такіх як ДАП, ДЗАП, агнявы пункт у будынку;
магчымасць кіравання ракетай пасля пуску, у тым ліку перанацэльванне яе на важнейшую цэль;
магчымасць усталявання ўніверсальных баявых модуляў з адным, двума ці чатырма агнявымі каналамі на розныя колавыя і гусенічныя шасі, рачныя, марскія судны;
магчымасць дзеяння комплексу (некалькіх комплексаў) у складзе адзінай сістэмы кіравання з аўтаматызацыяй працэсу разведкі, цэлепаказання і цэлеразмеркавання;
малая вага, прастата ўжывання, непрацяглы час навучання аператара (у камплект СТРК уваходзіць камп'ютарны трэнажор).